النهاردة مالو
.................
النهاردة مالو ماأعرفش ليه
فى شئ مش مفهوم
حاجة غريبة بتحصل فيه
حتى السما ملبدة بالغيوم
إيه إللى جرى للدنيا
أتبدل حالها فى ثانية
فلحظة بقت حاجه تانيه
الأيام مافيهاش حاجة بتدوم
إمبارح كان فيه قمر
النجوم عاشقة ليله سهر
القلوب إللى دايبة فهواه
تاهت معاه ترحال وسفر
كل شئ كان جميل
النسيم فيه يشفى العليل
واللى كان ليله طويل
راح من عينه النوم
إيه إللى جاب الحيرة
معاها جت حاجات كتيرة
خدتينى بخيالى سرحت فيها
خلت أحلامى لها أسيرة
يا قلبى قلى حكيتك أيه
أنت شاغل روحك ليه
إللى راح بتسأل عليه
وعايش ليه ويا الهموم
....
بقلم الشاعر
الأمير _محمود
ليست هناك تعليقات:
إرسال تعليق