خطف قلبي بنظرة
....................
عشقت عينيه من نظرة
خطف قلبي وبجري وراه
هواه خلاني بقيت عبرة
العذال يستاهل إيه وداه
كنت ماشي وحدي لحالي
لقيتو شاور لي وندالي
ماأعرفش كان مالو ومالي
من عينيه بعتهالي نظرة
مكنتش نظرة تعمل كدا فيا
تخليني تايه عن روحي
مش عارف إيه حصل ليا
اتاريه خد مني روحي
سابني وحديا في حيرة
وأنا مش داري بحالي
محدش جاب له سيرة
عاللي بيجرالي بسبب نظرة
نار حبه فالقلب جمرة
أه من العيون وسحرها
بنظرة معرفتش من أكون
لا عارف مرسا لبحرها
بعشقها هايم حد الجنون
بشوقي بستناه لما يعدي
واطمن على قلبي وياه
لما يجي عندي ويهدي
من وجدي اسمع شكواه
لوعتي تبكي عليه بحسرة
والسبب نظرة
خدني شوقي لشاطئ الغرام
صبحت هايم شوق وحنين
بجزيرة مافيهاش غير لوام
سهرني الليل مع العاشقين
مراكب العشق كلها أسرار
فبحر من غير شطئان
تحطمت سفينتي وأنا بحار
لقيت روحي فحالة توهان
غرقان ببحرها والسبب نظرة
......
بقلم.الشاعر
الأمير_محمود
ليست هناك تعليقات:
إرسال تعليق