( شهادة وفاة)
بقلمي الشاعر/ محمد غبن
شاعر عاميه بطريقة محكيه
وسفيرا للسلام الدولي
2/12/2021
ليه تكافئ حبي ومتعمده
تعمليله شهادة وفاه
معدنه طيب وحنين
عايز يعيش معاك الحياه
هي دي مكافأتك يلي
بعتبرك حبيبه وطوق نجاه
مش عارف أوصف إهمالك
دا ضعف ولا عقل تاه
ولا ايه رأيك قوليلي
في قسوتك واللا مبالاه
اللي ساكنه جوا خصالك
وشويه هتشوه جمالك
وأكون ف وحدتي
ضحية ضعفك وإهمالك
يعني من وجهة نظرك
خوفي عليك بزياده حرام
وإن عينيا تدبل من السهر
عادي وأتمنع عن الكلام
ولا عايزه أيه ردي
عندك عتاب أو ملام
ليه بتقتلي فيا بالبطيئ
و مش مهم أتخنق
وخلقي عن النفس يضيق
هوا دا معناه ايه بالنسبه
ليا مش برضوا شهادة وفاه
خلاص إتفضلي وإعملي
اللي نفسك فيه وإمنعيني الحياه
بس صدقيني مش هسامحك
وهشتكي لربي في علاه
يلا و من غير سلام او
حتي كلمة وداع
بس إوعاك ياقلبي تزعل
على حبك وتقول إنه ضاع
هو نصيبك كدا حب بجد
بس للأسف طلع مشاع
ماله أهل ولا حتي كتبوا
ليه شهادة ميلاد
هي دي نهايته راح وإتعمله
جنازه ع الضيق من غير حداد
ليست هناك تعليقات:
إرسال تعليق