ضاع الوفا...
سألت والدمعات بيهلو
والحزن في عمق القلب كلو
ليش النوي
ليش الجفا...... والبعد
يا للي سكنتو القلب
جوا القلب مهما صار
بيضلو
وسألت عنهن ليش
بيفلو
وسألت مين بتحب عيني
دموع العين عليك
دلو....
بليلي تهت
وضلوعي مكوية
وسنين من هالعمر
مطوية...
ضعت... وضاعت مني الهوية
تصالحت مع نفسي بساعة صفا
وقلت ليش بهالزمن
ضاع الوفا....
بردانة بعز الصيف
عم بطلب دفا
قلبي وعقلي بيتذكروا
ولكن....!!!
عن هجر الحبيب بقولوا
كفى...
وين الوفا...!!!!
وين الوفا...!!!
بقلمي ندى عزت يونس
🇱🇧🇱🇧🇱🇧
ليست هناك تعليقات:
إرسال تعليق