عابر سبيل
،،،،،،،،،،،،،،،،،،،
مش عارف طريقي وسكتي
ماشي وحديا عابر سبيل
ياترى هتحدفني فين خطوتي
لغاية ليا ولا معايا دليل
هزلان عطشان بجر رجليا
في الدنيا أديني هايم
لا معايا زاد ولا ميه
في بحر الأحزان عايم
وشايل معايا هم تقيل
وخداني خطوتي أديني ساير
غريب محدش حاسس بيا
الناس بتلوم عليا وتعاير
مايعرفوش إيه حصل ليا
ماشي حاير بالبلاد سواح
أدور عاللي ضاع مني
في وصف الحبيب مداح
تئن الجراح أغني مواويل
عابر سبيل بدور عالأحبة
راحوا وسابوا القلب عليل
أسأل حبة وأرتاح حبة
الخطوة مداها طريق طويل
ياأهل المحبة مالأشتياق محروم
أسقونى من عطفكم حبة حنان
إللي أنكتب عليه الفراق مظلوم
ملوش عنوان وعابر سبيل
.......
بقلم.الشاعر
الأمير _محمود
ليست هناك تعليقات:
إرسال تعليق