..............إسأل عليا...........
إسأل عليا ........... وحس بيا
وازرع غ قلبي شوقي وحنيني
إسأل عليا ..... وحس بيا
بلاش تصحي فيا أنيني
أوعي تطفي نوري وشموعي
وتيجي تشكي لوعة فراقي
داريت عشانك حزن ف ضلوعي
وعشت بفرحك وايا اشتياقي
وهبت ليك قبل قلبي عمري
وقولت اعيش مابين حضن قلبك
ولو كان بإيدي أو يوم بأمري
مكنش قلبي يفضل يحبك
وليك حبيبي ف الحب شاري
لو يوم تجيني وتطفي ناري
تعالي بينا نمسح دموعنا
ولا يكون فينا حد جارح
نفتح بيباننا تاني برجوعنا
ونشوف جوانا أجمل ملامح
ونعيش سنين الحب من تاني
فيها الهنا وفيها م الأماني
الشاعر الغنائي / عرفات فرج الله بلبل
ليست هناك تعليقات:
إرسال تعليق