أسمع مني كلام راح يوجع
إياك لحظة تفكر ترجع
مش راح أصدق دمع عيونك
المرادي بجد هخونك
كلمة قالتها في ساعة طيش
وقتها كنت بحاول أسمع
لكن قلبي كان بيدمع
كنت واقف أنا مذهول
إيه بس أنا ممكن أقول
كل كلامي مش راح ينفع
كل مرة انا كنت بخون
وكنت أتوسل وأرجع تاني
كل مرة بكون الجاني
وهي ديما تترجاني
أنا بجد خلاص مش هقدر
مهما قولت مش هقدر أبرر
كل مرة هي تأمن
وكل مرة أنا أخدع وأغدر
مهما قولت مش هتسامح
رغم أني توبت خلاص
لكن قلبها مني أتكسر
أنا دلوقتي بقيت اتحسر
إيه تاني أنا ممكن أخسر
أنا والله لا يمكن أخون
مهما انا كنت ومهما يكون
هي عندي مش هتهون
أنا عارف قلبك أطهر
لكن أنا دلوقتي خلاص
أنا بجد في نظري أصغر وأحقر
وأنتي عندي أعظم وأكبر
كل حاجه بعدك وحشه
حتى حلاوة الشهد أتمرر
حتى صفاء القلب أتعكر
أنا بعترف إن أنا مخطئ
وأنا بوعدك مش هيتكرر
#بقلم حماده الشاعر
ليست هناك تعليقات:
إرسال تعليق