أهدي قصيدة " أنا أنسان مني اعتيادي " الى الانسان القابع في كل فرد من أفراد العائلة البشرية ، والكيان القابع في الكائنات الماورائية ، وهي باللهجة العامية اللبنانية لغة القلب والروح والوجدان ٠٠٠
أنا إنسان مني اعتيادي
قتلني مولدي بيوم الولادي
لكن عاد وبموتي حييني
وتركني طفل عالاوهام دادي
روح اللي بقفص جسمي سجيني
عبدي وعم بتحلم بالسيادي
وطافر من مديني عا مديني
فراشي الشوك والبحصة وسادي
عيوني بحر والببو سفيني
لطمها الموج عا صخرة جهادي
خدودي جبال قمتها جبيني
شفافي سفوح دقني كعب وادي
راسي كوكب ألارص ويميني
قبالي خط بيضاوي رمادي
وعا كوكب أرضنا بحلف يميني
بلادي مش مواقع عالرابط
لانها روح مجهولي بلادي
د٠ يوسف الدباك جعجع/ لبنان٠٠٠
ليست هناك تعليقات:
إرسال تعليق