بحبك يا امى
بقلم غاده عبد المنعم
بحبك يا امى
يا نبع الحنان
ده حبك يا امى
فى الروح والوجدان
يا اللى شيلتى همى
وانا فى بطنك كمان
غذيتينى بدمك
وانا نقطه فى بطنك
لحد ما بقيت انسان
فى حضنك بشكى همى
وعلى كتفك بنام
دايما شايله همى
وبتدعى لى مع كل اذان
سهرتى عشانى
ولما كنتى تنامى
كنت بتشوفينى
يا امى فى المنام
.شاغله عقلك بيا
حتى فى الاحلام
علمتينى اصلى
واردد الاذان
علمتينى اقرأ
واعرف اكتب كمان
علمتينى احب بلدى
وادعى لها من زمان
علمتينى احب رءيسنا
واضرب له تعظيم سلام
علمتينى احب الناس
ما انت يا امى
كلك دفا وحب واحساس
بحبك يا امى
ليست هناك تعليقات:
إرسال تعليق