طريقى تاه منى
************
طريقى تاه منى ومشيت ف طريق تانى
معرفش لفين وخدنى ومين ودانى
ايه توهنى وبدل فرحى بأحزانى
كأن الزمان مش زمنى ولا المكان مكانى
ماشيين ومش عارفين لفين رايحين
ده طريقنا ولا توهنا ولا رايحين فين
ومشينا ف طريق غير حياتنا
قدر ومكتوب علينا ولا ده اختيارنا
ولقينا نفسنا غيرنا مكانا
وناس مكنتش على بالنا دخلوا حياتنا
لو كان بأدينا كنا اشترينا سعادتنا
وغيرنا ناس بناس متوجعش قلوبنا
قدرنا ولا سوء اختيارنا
عايشين تايهين واسمنا عايشين
ومش عارفين مع مين سعادتنا
طريق وبنمشيه ومنعرفش اخره ايه
قدر مكتوب علينا او نصيب نفسنا فيه
طريق ولازم نمشيه لينهينا لننهيه
لنغير طريقنا لنكمل فيه
واللى سعيد ف طريقة يكمله
واللى تعب من طريقه يغيره
وكل واحد له عقل يفكر بيه
فى اللى بينظر لكام سنه قدام
وفى اللى ينظر تحت رجليه
وكل واحد يتحمل نهايه الطريق
اللى مشى فيه
*****************
اشرف سلامة حموده
ليست هناك تعليقات:
إرسال تعليق