♕............... امى. ♥
بتقولى قومى ياامى.. تعالى قومنى
انت اللى هتقومنى وتحمينى
واسند عليك من تعب سنينى
قومتى بيك وسؤالك يكفينى
انا مستقويه بيك انت تربيه ايدى
كان حبل بينك وبينى
كان بيغذيك من دمى
ولما خرجت من بطنى
خدتك فى حضنى واكلت من صدرى
كبرت امام عينى
زاى ماربيتك وكبرتك اوعه تنسانى
انت رصيد عمرى اوعه تضيعنى
انا امك ووطنك مهما رحت ولا لفيت
مش هتلاقى حد يحبك زاى حبى
انا اللى حملت وربيت
وعينى ديماً عليك
اوعه فى يوم تكسر بخطرى
متخلنيش اشتاق اليك
زاى ماانت فى عنيه خلينى
ديماً فى عنيك
مين هيسأل عنى لو انت مش جيت
اوعه ينسيك حضن حضنى
ولا حنان حنانى
انا اللى حملت وربيت وكبرت
متخليش حد اغلى منى
جنتك تحت قدمى
اياك اموت وانت مزعلنى
متخلنيش اسأل عليك
انا كبرت ياابنى اسأل انت عنى
****
د. اشرف سلامه حموده
ليست هناك تعليقات:
إرسال تعليق