قصيدة " أنا تا ضل صادق يا ذواتي" ، باللهجة العامية اللبنانية لغة الروح والقلب والوجدان:
أنا تا ضل صادق يا ذواتي
عا خشبة رجوتي علقت ذاتي
ولأنو بكلمتي الأنصار جنو
بلهفة رفعت للكلمة صلاتي
الكلمة الوحيها لا بد منو
تا كمل عالمنابر تضحياتي
أنا عا المنبر اللي شاخ سنو
لما صرت مشهور بثباتي
ما تجبرت عا خصمي لأنو
آخرة الجبر يا ناس الشماتي
أنا قبطان لبناني تمنو
مواج البحر ينجلدو بعصاتي
نوح اللي حكي الكتاب عنو
نجى الخلق بسفينة نجاتي
انا اللي بريشتي الدستور سنو
استحلى الدهر يقعد عا سواتي
انا اللي من كتابي الفكر جنو
تا غذو عقول مشتاقة لفتاتي
لأنو كبير مقياسي لأنو
سحبت البدر وعملتو قميصي
وسحبت الغيم وعملتو عباتي
د٠.يوسف الدباك جعجع/ لبنان٠٠٠
