............. غريب .......
عايش أيوه ف وسطيكم
وعملت اللي يرضيكم
لكن إحساسي جوايا
غريب وانا ف أراضيكم
بحور الدمع ف عيوني
وضاق بيا خلاص كوني
داويت فيكم جراح ياما
لقيت أحزانكو دواما
وخليتكوا ما بين الناس
براس مرفوعة والهاما
ومين يداوي جراح فيا
دموع صاحبتني ف عينيا
لا كلمة حلوة بسمعها
ولا ذكري برجعها
يا حزن ابعد خلاص عني
ليه حتي الضحكة بتبيعها
وكان نفسي ف ضحكايا
تعيش تبقي كده معايا
بعادكم نعمة من ربي
بقولها ايوه من قلبي
دا كل اللي بيوجعني
حنين ليكو وشوفي وحبي
سكوتي مش مهانا وضعف
كفايا م الكلام والحرف
شعر غنائي مشترك تأليف :
الشاعر الغنائي / عرفات فرج الله بلبل
والشاعرة القديرة / مونيا بنيو
ليست هناك تعليقات:
إرسال تعليق