فوقي ياتؤمي ✍️ فتحيه علي عبد النبي
********************************
مش لوحدك طول عمري زيك نفس مشكلك
مع أنك بعدتي عني مش بلومك
كنتي في غربه
والغربه كانت عليكي صعبه كنت حابه
تفتكري رحله مرت علينا
أنا وأنتي عابره
كنتي في وادي وأنا في وادي
والعمر ولا !!
أنا بعتزر عن أي غلطه
كانت في موقف
علينا عدا !!
الدنيا ياما قاست علينا
نسينا فيها طعم المحبه
عدت ليالي
كنت بقول فينك ياصحبه
نزلت دموع
من عيني حارقه
والعمر يجري ما لوش محطه
مش ضعف مني ولا بسلم لا دي حكاية زمان
علينا علم كفايه يادنيا لا تعندي
هارفع شراع مركبي
وهاعدي بيه على موكبي
وأوصل
في يوم لكوكبي
وأمسك بأيدي نجوم السما
دا حلم من أحلامي أنا !!
فوقي بقى ياتؤمي
قبل ما يجي يوم تندمي
وعلى قد ما تقدري
ألحقي تمسكي ولأحزانك
لا تستسلمي وأخر رسالتي
أنا صديقتك
عايزه أعيش ذكرياتي تاني عودي الي أنا محتجالك
ليست هناك تعليقات:
إرسال تعليق